Günəş plazması buludu Yerə yaxınlaşır

Günəş plazması buludu Yerə doğru yaxınlaşır, lakin hələlik maqnit fırtınası qeydə alınmayıb.  Bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası laboratoriyası məlumat yayıb.

Məlumata görə, oktyabrın 3-də Günəşdə baş verən partlayış zamanı plazma buludu kosmosa atılıb.

Proses nisbətən zəif və zərbəsiz keçdiyi üçün Yer maqnitosferi bu hadisəyə uyğunlaşa bilib.

Hazırda geomaqnit sabitliyi qorunur, lakin alimlər yaxın bir gün ərzində zəif geomaqnit qasırğalarının baş vermə ehtimalını istisna etmir.

N.Təbrizli