Netanyahu xalqa müraciət edib

İsrail Baş naziri Benyamin Netanyahu xalqa müraciət ünvanlayaraq bildirib ki, Qəzza Zolağının demilitarizasiyası zərurət yaranarsa, “sərt formada” həyata keçiriləcək.

BBC-nin məlumatına görə, Netanyahu bütün girovların azad edilməsinə dair vədi yerinə yetirməyə yönəlik işlərin davam etdiyini söyləyib. O qeyd edib ki, İsrail qüvvələri hazırda HƏMAS-ı hər istiqamətdən mühasirəyə alıblar.

Baş nazir əlavə edib ki, ABŞ Prezidenti Donald Trampın təşəbbüsü ilə hazırlanmış sülh planının növbəti mərhələlərində HƏMAS silahsızlaşdırılacaq və Qəzza tam demilitarizasiya olunacaq:

“Əgər bunu asan yolla etmək mümkün olarsa, çox yaxşıdır. Amma mümkün olmazsa, biz bunu sərt yolla edəcəyik”.

İsrail ilə HƏMAS Trampın planının birinci mərhələsi üzrə Misirdə razılaşma əldə ediblər.