Tramp və Kim Çen In görüşə bilər

ABŞ Prezidenti Donald Tramp Asiya‑Sakit Okean İqtisadi Əməkdaşlığı (APEC) sammiti çərçivəsində Şimali Koreya lideri Kim Çen İnlə görüşə bilər.Bu barədə Cənubi Koreyanın birləşmə naziri Çon Don Yon Yaponiya mediasına verdiyi açıqlamada bildirib.

Görüş Koreya yarımadasındakı sərhəd kəndi Panmuncomda təşkil oluna bilər.

Nazirin sözlərinə görə, “açıq məlumatlar tərəflərin dialoqa hazır olduğunu göstərir. Kim Çen İn əvvəlki görüşləri müsbət xatırlayır və müəyyən şərtlər daxilində Trampla yenidən danışıqlara razı ola bilər.” O əlavə edib ki, görüş ABŞ və Cənubi Koreyanın birgə hərbi təlimlərinin müzakirəsinə Tramp hazır olduğu təqdirdə baş tuta bilər.

Qeyd edək ki, oktyabrın 1-də Ağ Ev Trampın Şimali Koreya lideri ilə əvvəlcədən şərt qoymadan danışıqlara hazır olduğunu bəyan etmişdi. Tramp özünün ilk prezidentlik dönəmində Kim Çen İnlə üç dəfə görüşmüşdü.