Fələstində yeni konstitusiya hazırlanacaq

Fələstin Prezidenti Mahmud Abbas üç ay müddətində Fələstin Milli Konstitusiyasının ilkin layihəsinin hazırlanması ilə bağlı göstəriş verib. Bu barədə onun xüsusi nümayəndəsi Məhəmməd Ştayye məlumat yayıb.

O, konstitusiya layihəsinin hazırlanması üzərində çalışan komitənin üzvü olduğunu da bildirib. Ştayyenin sözlərinə görə, artıq Fələstin Muxtariyyətinin Fələstin Dövlətinə çevrilməsinin vaxtı çatıb.

Oktyabrın 13-də Şarm əl-Şeyxdə keçirilmiş Yaxın Şərq Sülh Sammiti çərçivəsində ABŞ, Misir, Türkiyə və Qətər liderlərinin imzaladığı sazişə əsasən, Qəzza zolağında atəşkəs əldə olunub.