Azərbaycan yeni məktəblərin tikintisini sürətləndirəcək — Nazir

Azərbaycan yeni məktəblərin tikintisini sürətləndirəcək — nazir

Azərbaycanda məktəb tikintisi və təhsil infrastrukturunun yenilənməsi son illərdə ən prioritet istiqamətlərdən biri olaraq qalır. Bunu təhsil naziri Emin Əmrullayev parlamentdə 2026-cı ilin büdcə müzakirələri zamanı bildirib.

Nazirin sözlərinə görə, 2021–2025-ci illərdə ölkə üzrə 364 məktəb binası inşa edilib və ya əsaslı şəkildə yenidən təmir olunub. İnfrastruktur layihələrinin miqyası artdığı üçün bu rəqəm əvvəlki illərlə müqayisədə xeyli yüksəlib.

Əmrullayev qeyd edib ki, son beş ildə qəza vəziyyətində olan məktəblərin sayı təxminən 3,5 dəfə azalıb — əvvəllər minə yaxın məktəb problemlidirsə, hazırda onların sayı 400 düşüb. 

Nazirin sözlərinə görə, hələ də əsaslı təmir və ya yenidən tikintiyə ehtiyacı olan 400-dən çox məktəb mövcuddur və bu, növbəti illərin əsas hədəflərindən biri olacaq.

İşğaldan azad edilmiş ərazilərdə məktəb infrastrukturu paralel şəkildə bərpa olunur. Nazir bildirib ki, 2025-ci il avqustun 1-dən etibarən həmin zonada 104 adda təhsil layihəsinin icrası başa çatdırılıb, 20 yeni məktəb tikilib, bir neçə məktəbdə təmir işləri yekunlaşmaq üzrədir. Hazırda 100-dən çox təhsil müəssisəsi fəaliyyətə başlayıb.

Əmrullayev vurğulayıb ki, ölkədə artan şagird sayı infrastruktura əlavə təzyiq yaradır. 

Kiçik qəsəbələrdə tikiləcək məktəblərin layihələndirilməsi zamanı daha səmərəli modellər tətbiq ediləcək.

“Bir çox yaşayış məntəqələrində gələcək 20 il ərzində şagird sayının artım proqnozu nəzərə alınmalıdır. Kiçik kompleks məktəblərdə daha qənaətcil, lakin keyfiyyətli infrastruktur modelinə keçid zəruridir”, nazir bildirib.

N.Təbrizli