Rusiya XİN Azərbaycan səfirliyinə dəyən ziyandan danışıb

Azərbaycanın Kiyevdəki səfirlik kompleksinə dəyən ziyan böyük ehtimalla Ukraynanın hava hücumundan müdafiə sisteminin – xüsusilə “Patriot” raketinin – qeyri-dəqiq işləməsi nəticəsində baş verib. Bu barədə məsələ Rusiya xarici işlər nazirinin müavini Mixail Qaluzinlə Azərbaycanın Moskvadakı səfiri Rəhman Mustafayev arasında keçirilən görüşdən sonra TASS-ın yayımladığı rəsmi açıqlamada bildirilib.

Açıqlamaya görə, Rusiya tərəfi insidentlə bağlı “səmimi təəssüf” ifadə edib və Bakının müraciətinin “diqqətlə araşdırıldığını” vurğulayıb.

Rusiya XİN həmçinin Azərbaycan tərəfinə bildirib ki, xüsusi hərbi əməliyyat çərçivəsində Kiyevdəki müdafiə sənayesi obyektləri də daxil olmaqla, yalnız “qanuni hərbi hədəflərə” zərbələr endirilir və planlaşdırma zamanı xarici diplomatik missiyaların yerləşdiyi koordinatlar nəzərə alınır.

Hadisə ilə bağlı 14 noyabrda Bakı tərəfindən Rusiyanın Bakıdakı səfiri Mixail Yevdokimova etiraz notası verilib.

Aytac