Cenevrədə sülh planı üzrə ABŞ-Ukrayna danışıqlarının əsas mərhələsi başlayıb

Cenevrədə Amerika administrasiyasının Kiyevə verdiyi sülh planı üzrə ABŞ-Ukrayna danışıqlarının əsas mərhələsi başlayıb. Bu barədə "Reuters" xəbər verir.

Agentlik özəl mənbəyə istinadən bildirib ki, ilkin danışıqlar məhsuldar keçib,hətta müzakirələr bəzi sahələrdə razılaşmalarla yekunlaşıb.Hazırda Ukrayna Prezidenti Ofisinin rəhbəri Andrey Yermakın rəhbərlik etdiyi Ukrayna nümayəndə heyəti ABŞ dövlət katibi Marko Rubio, ordu naziri Den Driskol və Prezident Donald Trampın xüsusi elçisi Stiv Uitkoffla danışıqlar aparır.