Konqoda mədənin çökməsi nəticəsində 200-dən çox insan ölüb

Konqo Demokratik Respublikasının şərq bölgəsində, “23 Mart Hərəkatı” (M23) üsyançılarının nəzarətində olan ərazidə yerləşən mədəndə çökmə baş verib.Bu barədə “Reuters” məlumat yayıb.

Hadisə nəticəsində azı 227 nəfərin həyatını itirdiyi bildirilir.

Faciə Şimali Kivu əyalətinin Rubaya şəhəri ətrafında qeydə alınıb. Xilasedicilər əməliyyatları davam etdirir və ölənlərin sayının artacağı istisna edilmir.

Sözügedən mədən elektronika sənayesində geniş istifadə olunan və qlobal miqyasda yüksək tələbat olan koltan mineralının hasil edildiyi sahələrdən biridir.