İran: ABŞ hücum etməyəcəyinə zəmanət versə, danışıqlar mümkündür

İran və ABŞ arasında danışıqlar mümkündür, lakin bunun üçün Vaşinqton Tehrana qarşı yeni hücumların və təhdidlərin olmayacağına dair zəmanət verməlidir. Bu barədə İranın xarici işlər naziri Abbas Əraqçi bildirib.

Nazirin sözlərinə görə, ABŞ həqiqətən diplomatik prosesdə maraqlıdırsa, mövcud inamsızlığı aradan qaldırmalı və yanaşmasını dəyişməlidir.

“Əgər ABŞ ciddi diplomatiya aparmaq istəyirsə, inamsızlığı aradan qaldırmalı, yeni hücumların və təhdidlərin olmayacağına zəmanət verməlidir. İran hələ də qarşılıqlı etimada əsaslanan dürüst və balanslaşdırılmış danışıqlara hazırdır,” – deyə Əraqçi CNN Türk kanalına müsahibəsində bildirib.