Qış Olimpiya Oyunlarının açılış mərasimi keçirilib

İtaliyada XXV Qış Olimpiya Oyunlarının açılış mərasimi keçirilib.

Tədbir Milandakı "San-Siro" stadionunda təşkil olunub.

Mərasim zamanı iştirakçı ölkələrin idmançılarının paradı baş tutub.

Azərbaycan millisinin bayraqdarları fiqurlu konkisürən Vladimir Litvintsev və dağ xizəyi üzrə idmançı Anastasiya Papatoma olub.

XXV Qış Olimpiya Oyunları fevralın 6-dan 22-dək keçiriləcək.Oyunların proqramına 16 idman növü üzrə yarışlar daxildir. Yarışlarda 92 ölkədən 2900-dən çox idmançı mübarizə aparacaq.

Azərbaycan təmsilçilərindən Vladimir Litvintsev fevralın 10-da Milan şəhərində fiqurlu konkisürmə üzrə qısa proqramla mübarizəyə start verəcək. Anastasiya Papatoma isə ayın 15-də nəhəng slalom (giant slalom), 3 gün sonra slalom növündə qüvvəsini sınayacaq. Yarışlar İtaliyanın məşhur dağ-xizək mərkəzi olan Kortina-dAmpetsoda keçiriləcək.