ABŞ Prezidenti Hindistana xəbərdarlıq edib

ABŞ Prezidenti Donald Trampın administrasiyası Hindistan Rusiya nefti alımını davam etdirərsə, ona qarşı yeni tədbirlər, o cümlədən idxal etdiyi mallara 25% əlavə rüsum tətbiq etməklə hədələyib.Bu barədə ABŞ prezidenti Donald Tramp tərəfindən imzalanan və dərc edilən sərəncamda bildirilir.

Sərəncama görə, əgər ABŞ Ticarət Katibi Hindistanın Rusiyadan birbaşa və ya dolayı yolla neft idxalını bərpa etdiyini müəyyən edərsə, Dövlət Katibi digər əlaqədar nazirliklərlə məsləhətləşmələr aparacaq və əlavə tədbirlər barədə Trampa məsləhətlər verəcək. Bunlara Hindistandan idxal olunan məhsullara 25% əlavə tarifin bərpa edilib-edilməməsi də daxildir.