Ötən il Ermənistandan 600 nəfər sığınacaq istəyib, biri Azərbaycan vətəndaşıdır

2025-ci ildə bir Azərbaycan vətəndaşı Ermənistandan sığınacaq istəyib. Bu barədə məlumatı Ermənistan mətbuatı ölkənin Qaçqınlar Agentliyinə istinadən yazıb. 

Bildirilib ki, hesabat ilində ümumilikdə 600 nəfər Ermənistanda sığınacaq üçün müraciət edib.

Ölkəyə sığınacaq axtaranların milliyyət üzrə bölgüsündə İran vətəndaşları üstünlük təşkil edib — 197 nəfər. İkinci yerdə Ukrayna vətəndaşları (86 nəfər) qərarlaşıb. 

Digər ölkələr üzrə isə statistika Rusiyadan 44 nəfər, Misir: 34 nəfər, Əfqanıstan: 34 nəfər, Suriya: 29 nəfər, İraq: 27 nəfər olub. 

Bundan əlavə, Türkiyədən 7 nəfər, Gürcüstandan isə 8 nəfər Ermənistandan sığınacaq istəyib.

N.Təbrizli