ABŞ İranda internet məhdudiyyətlərini aşmaq üçün minlərlə Starlink terminalı göndərib — WSJ

ABŞ İranda hökumət əleyhinə etirazlar zamanı internet kəsintilərini aradan qaldırmaq məqsədilə gizli şəkildə təxminən 6000 Starlink peyk terminalı göndərib. Bu barədə The Wall Street Journal məlumat yayıb.

ABŞ-ın İrana gizli şəkildə minlərlə peyk internet cihazı göndərdiyi bildirilir. 

Qəzetin yazdığına görə, çatdırılma ötən ay **İran**da rejimə qarşı başlayan kütləvi etirazlar fonunda həyata keçirilib və etirazçıların internet məhdudiyyətlərini aşmasına kömək etmək məqsədi daşıyıb.

ABŞ rəsmiləri nəşrə bildiriblər ki, ABŞ Dövlət Departamenti etirazlardan əvvəlki aylarda rejim əleyhdarlarının rabitə imkanlarını genişləndirmək üçün təxminən 7000 peyk terminalı satın alıb.

Məlumata görə, Donald Trump bu çatdırılmalar barədə məlumatlı olub, lakin onların şəxsən onun tərəfindən təsdiqlənib-təsdiqlənmədiyi açıqlanmayıb.

Qeyd olunur ki, bu, **ABŞ**ın İrana **Starlink cihazları göndərdiyi ilk hal kimi qiymətləndirilir.

Gülnar