Britaniya 16 yaşdan kiçik uşaqların sosial mediadan istifadəsini qadağan etməyə hazırlaşır

Britaniya hökuməti 16 yaşdan kiçik yeniyetmələrin sosial şəbəkələrə və çatbotlara çıxışını 2026-cı ildən qadağan etməyi planlaşdırır. Məhdudiyyətlər ictimai məsləhətləşmələrdən sonra qüvvəyə minə bilər.

The Times qəzetinin 16 fevral tarixli məlumatına görə, Britaniya hakimiyyəti bu addımı Keir Starmerin elan etdiyi səlahiyyətlər çərçivəsində atmağı planlaşdırır. Məqsəd baş nazirin mövqeyini sabitləşdirmək və uşaqların təhlükəsizliyini təmin etməkdir.

Qəzetin məlumatına görə, məhdudiyyətlər yalnız sosial şəbəkələrə deyil, həm də çatbotlara çıxışı əhatə edəcək.

Həmçinin, Nazirlər Kabineti internet platformalarını yetkinlik yaşına çatmayanların məzmuna sərf etdiyi vaxtı məhdudlaşdırmağa məcbur etməyi nəzərdə tutur.

Hökumət İnternet Təhlükəsizliyi haqqında Qanuna düzəlişlər etməklə süni intellektlə işləyən bütün çatbot provayderlərini qanunsuz məzmuna qarşı mövcud tələblərə riayət etməyə məcbur etmək niyyətindədir.

Gülnar