Paşinyan 30 illik həyat yoldaşından rəsmi olaraq ayrılıb

Ermənistanın Baş naziri Nikol Paşinyan özünün Anna Akopyan ilə vətəndaş nikahının başa çatmasına münasibət bildirib.

Paşinyan Facebook səhifəsində yazıb ki, Akopyanın qərarına hörmətlə yanaşır.
“Son 30 il ərzində o, bütün çətin günlərimdə yanımda olub, mənim dayağım və dəstəyim olub. Ola bilsin ki, mən ona daha çox kədər bəxş etmişəm, bunun üçün üzr istəyirəm", - Paşinyan bildirib.

Daha əvvəl Akopyan sosial şəbəkədə paylaşaraq vətəndaş nikahının başa çatdığını və hökumət iqamətgahını tərk edəcəyini bildirib. O qeyd edib ki, əvvəlki paylaşımı yanlış anlaşılmış, bir çoxları bunu rəsmi nikaha daxil olma kimi yozub.

Cütlük 1990-cı illərin sonlarından münasibətdə olub və yerli mətbuat onların rəsmi nikah bağladığını yazmışdı.