İsrail KİV: Xameneinin qərargahı tamamilə dağıdılıb - Yenilənib

İranın Ali Rəhbəri Ayətullah Seyid Əli Xameneinin qərargahı tamamilə dağıdılıb.Bu barədə anonim İsrail rəsmisi “Channel 12” telekanalına məlumat verib.

Onun sözlərinə görə, hücum zamanı Xameneinin həmin binada olub-olmadığı hələlik məlum deyil.

Mənbə İranın bütün əsas liderlərinin hədəf alındığını qeyd edib.

11:25

Şənbə günü Tehran şəhərinin mərkəzində yerləşən və İranın ali lideri Əli Xameneinin əsas iqamətgahı kimi tanınan obyektin hücuma məruz qaldığı iddia olunur.

Hadisənin nəticələri, mümkün dağıntılar və itkilər barədə hələlik rəsmi açıqlama verilməyib.
Bununla yanaşı, paytaxtın müxtəlif ərazilərində partlayış səslərinin eşidildiyi, bəzi rayonlarda isə qatı tüstünün müşahidə olunduğu bildirilir. Yerli mənbələr təhlükəsizlik qüvvələrinin hadisə yerlərinə cəlb edildiyini qeyd edir.

İranın rəsmi qurumları tərəfindən hələlik hadisənin səbəbi, mümkün hədəflər və zərərçəkənlər barədə məlumat açıqlanmayıb.