ABŞ-da ata yeddi övladını öldürüb

ABŞ-ın Shreveport şəhərində baş verən silahlı insident nəticəsində səkkiz uşaq həlak olub, iki qadın isə ağır yaralanıb.

ABŞ mediasının məlumatına görə, hadisə bazar günü səhər eyni məhəllədə yerləşən iki evdə baş verib. Şübhəli şəxs kimi 31 yaşlı Shamar Elkins göstərilir.

Polisin bildirdiyinə görə, öldürülən uşaqların yaşı 3 ilə 11 arasında olub və onların hamısı eyni evdə qətlə yetirilib. Məlumata əsasən, qurbanların yeddisi şübhəlinin öz övladları olub.

Hadisə zamanı yaralanan iki qadından biri uşaqların anasıdır və hər ikisinin vəziyyəti ağır qiymətləndirilir.

Polis təqibi zamanı şübhəli zərərsizləşdirilib. Rəsmilər bildiriblər ki, Elkins daha əvvəl – 2019-cu ildə qanunsuz silah saxlama ittihamı ilə həbs olunub, lakin digər məişət zorakılığı halları barədə məlumat olmayıb.

Məlumata görə, Elkins və həyat yoldaşı boşanma prosesində idi və növbəti gün məhkəmə iclası planlaşdırılırdı.

Gülnar