Vensin rəhbərlik etdiyi ABŞ nümayəndə heyəti Pakistana yola düşüb

ABŞ-nin vitse-prezidenti Cey Di Vens və İranla sülh danışıqlarında iştirak edəcək ABŞ nümayəndə heyəti Pakistana yola düşüb.Bu barədə ABŞ Prezidenti Donald Tramp "The New York Post" qəzetinə bildirib.

Prezident nümayəndə heyətinin tərkibinə xüsusi nümayəndə Stiv Uitkoff və məsləhətçi Cared Kuşnerin də daxil olduğunu təsdiqləyib. Onun sözlərinə görə, ABŞ nümayəndələri danışıqların növbəti raundu üçün artıq İslamabada yollanıblar.

Tramp bildirib ki, danışıqlarda əhəmiyyətli irəliləyiş əldə olunarsa, o, İranın yüksək vəzifəli liderləri ilə görüşməyə hazırdır.