Gürcüstan ATƏT sədrliyinə namizədliyini təqdim edib
22.04.2026 16:18
Gürcüstan 2027-ci ildə Avropada Təhlükəsizlik və Əməkdaşlıq Təşkilatına (ATƏT) sədrliyə namizədliyini təqdim edib.
Bu barədə Gürcüstanın xarici işlər naziri Maka Boçorişvili bildirib.
Nazir Gürcüstanın artıq müvafiq müraciəti təqdim etdiyini vurğulayıb.
"Biz ATƏT-ə Gürcüstanın gələn il üçün sədrliyini təklif etmişik. Əlbəttə ki, qərar iştirakçı ölkələr tərəfindən yekdilliklə qəbul edilməlidir. Namizədliyimizin nə qədər dəstəklənəcəyini söyləmək hələ tezdir", - Boçorişvili əlavə edib.
ATƏT-ə sədrlik bir il müddətində quruma üzv olan dövlət tərəfindən həyata keçirilir. Bu il təşkilata sədrlik İsveçrəyə məxsusdur.
Foto 
Video 
