Tramp İsrail və Livanı tam atəşkəsə çağırıb

ABŞ Prezidenti Donald Tramp Yaxın Şərqdə bütün tərəfləri atəşkəsə riayət etməyə çağırıb.

Tramp bu barədə “Truth Social” sosial şəbəkəsində paylaşım edib.

ABŞ prezidentinin sözlərinə görə, Vaşinqton İranla aparılan danışıqların davam etməsində maraqlıdır və region ölkələrinin bu prosesə dəstək verməsini gözləyir. O bildirib ki, neft qiymətlərinin enməsi və fond bazarlarında artım investorların hadisələrin inkişafını müsbət qiymətləndirdiyini göstərir.

“ABŞ sülhə sadiqdir. Yaxın Şərqdə hər kəsi danışıqların uğurla davam etməsinə imkan yaratmaq üçün öhdəliklərinə sadiq qalmağa çağırırıq. Livan, Hizbullah və İsrail də daxil olmaqla, bütün cəbhələrdə tam atəşkəs gözləyirik”, – Tramp yazıb.