Qazaxıstan və Gürcüstan strateji tərəfdaşlıq haqqında saziş imzalayıb

Gürcüstanın Baş naziri İrakli Kobaxidzenin Qazaxıstana rəsmi səfəri çərçivəsində Gürcüstan və Qazaxıstan arasında strateji tərəfdaşlıq haqqında birgə bəyannamə imzalanıb.Bu barədə Gürcüstanın "İmedi" telekanalı məlumat yayıb.

Sənədi Kobaxidze və Qazaxıstan Prezidenti Kasım-Jomart Tokayev imzalayıblar. Bəyannamə iki ölkə arasında münasibətlərin strateji tərəfdaşlıq səviyyəsinə yüksəldiyini nəzərdə tutur.

Tərəflər arasında keçirilən geniş tərkibli danışıqlardan sonra mədəniyyət, informasiya texnologiyaları və turizm sahələrində əməkdaşlığa dair bir sıra memorandumlar da imzalanıb.

Tokayev səfər çərçivəsində Baş nazir Kobaxidzeni Qazaxıstanın birinci dərəcəli Şərəf ordeni ilə təltif edib.