Estoniya Rusiyaya nota verib

Estoniya Xarici İşlər Nazirliyi Rusiyanın müvəqqəti işlər vəkilini nazirliyə çağıraraq ona etiraz notası təqdim edib.Bu barədə Estonya XİN məlumat yayıb.

Nazirliyin bəyanatında bildirilib ki, Estoniya və digər Baltik ölkələrini hədəf alan genişmiqyaslı Rusiya dezinformasiya kampaniyası qətiyyətlə pislənir.

Estoniyanın xarici işlər naziri Marqus Tsaxna bildirib ki, ölkəsi Rusiya ərazisinə hücumlar üçün öz hava məkanından istifadəyə icazə verməyib.

"Estoniya beynəlxalq hüququ dəstəkləyən və beynəlxalq müqavilələr üzrə öhdəliklərini ardıcıl şəkildə yerinə yetirən, qanunun aliliyi prinsipi ilə idarə olunan demokratik dövlətdir", – nazir əlavə edib.