ABŞ İranın Xark adasında neft tankerinə raket zərbəsi endirib

ABŞ İranın Xark adası yaxınlığında lövbər salmış "Belma NI 22" neft tankerinə raket zərbəsi endirib. Bu barədə İRNA məlumat yayıb.

Məlumata görə, çənləri boş olan tanker iki gün əvvəl də hücuma məruz qalıb. Agentlik bildirib ki, son zərbənin məqsədi gəminin Xark adasındakı neft ixrac terminalında fəaliyyətini əngəlləmək olub.

Xark adası İranın əsas neft ixrac terminallarından biridir və ölkənin xam neft ixracının böyük hissəsi bu terminal vasitəsilə həyata keçirilir.