İranda zəlzələ olub

İranın cənub-qərbində yerləşən Xuzistan əyalətində 5 bal gücündə zəlzələ baş verib. Bu barədə İran Milli Seysmologiya Mərkəzi məlumat yayıb. 

Məlumata görə, zəlzələ yerli vaxtla saat 05:55-də Salənd rayonunda qeydə alınıb. Yeraltı təkanların ocağı 8 kilometr dərinlikdə yerləşib. Təkanlar əyalətin inzibati mərkəzi Əhvaz, eləcə də Əndimeşk və Dezful şəhərlərində hiss olunub. 

Rəsmi qurumlar hələlik dağıntı və ya insan itkisi barədə məlumat verməyib. İran Qırmızı Aypara Cəmiyyətinin xilasedici qrupları mümkün zərərin qiymətləndirilməsi üçün hadisə rayonuna göndərilib.