Almaniya kansleri Tramp ilə planlaşdırılan telefon danışığını təxirə salıb

Almaniya kansleri Fridrix Merts ABŞ Prezidenti Donald Trampla bu gün keçirilməsi planlaşdırılan telefon danışığını təxirə salıb.Bu barədə "The Guardian" xəbər verir.

Qərar Trampın Almaniyanın Saksoniya-Anhalt əyalətində keçirilən regional seçkilərdə ifrat sağçı "Almaniya üçün Alternativ" (AfD) partiyasının qələbəsini açıq şəkildə alqışlamasından sonra qəbul edilib.

Mertsin sözçüsü Stefan Kornelius telefon danışığının təxirə salınmasının səbəbini açıqlamayıb. O, bunun kanslerin iş qrafikində yaranan dəyişikliklərlə əlaqəli olmadığını bildirib.

Sözçü Trampın AfD-nin seçkidəki nəticələri ilə bağlı açıqlamalarının telefon danışığının təxirə salınmasına səbəb olub-olmadığı barədə sualı da cavabsız qoyub.