BOTAŞ və SOCAR qaz svop sazişlərinin müddətini uzadacaq – BOTAŞ

Türkiyənin dövlət enerji şirkəti BOTAŞ və Azərbaycanın SOCAR şirkəti təbii qaz svopu üzrə bəzi mövcud sazişlərin müddətinin uzadılması üzərində işləyir, BOTAŞ-ın baş direktoru Abdulvahit Fidan cümə günü bildirib.

“BOTAŞ və SOCAR arasında təbii qaz svopuna dair imzaladığımız bəzi sazişlərin qarşıdakı dövrdə uzadılması ilə bağlı işlərimizi davam etdiririk”, – Fidan Bakıda keçirilən Azərbaycan-Türkiyə Enerji Forumunda deyib.

O, hansı sazişlərin müzakirə olunduğunu, onların müddətini və nəzərdə tutulan qaz həcmlərini açıqlamayıb.

Fidan həmçinin bildirib ki, BOTAŞ və SOCAR 2025-ci ilin avqustundan etibarən Azərbaycan qazının Türkiyə vasitəsilə Suriyaya tədarükünü həyata keçirir.

Türkiyənin energetika naziri Alparslan Bayraktar cümə günü daha əvvəl bildirib ki, tədarüklər başlayandan bəri bu sxem çərçivəsində Suriyaya 1 milyard kubmetrdən çox qaz çatdırılıb.

Fidan, həmçinin bir neçə ay əvvəl BOTAŞ-ın Azərbaycanın “Abşeron” yatağından hasil ediləcək təbii qazın uzunmüddətli alışı üzrə saziş imzaladığını xatırladıb.

N.Təbrizli