Azərbaycan XİN Pakistana başsağlığı verib

Azərbaycanın Xarici İşlər Nazirliyi (XİN) Pakistanda törədilən və 31 nəfərin ölümü ilə nəticələnən terror aktını pisləyib və həlak olanların ailələrinə başsağlığı verib.Bu barədə XİN-in "X" hesabında paylaşım edilib.

Nazirlik Pakistanın Xayber-Paxtunxva əyalətinin Kohat şəhərində məscid və polis kompleksinə qarşı törədilən hücumu qətiyyətlə pislədiyini bildirib.

"Pakistan hökumətinə və qardaş Pakistan xalqına, eləcə də həlak olanların ailələrinə və yaxınlarına dərin hüznlə başsağlığı verir, yaralananlara isə tezliklə şəfa diləyirik", - paylaşımda qeyd olunub.

XİN Azərbaycanın terrorizmin bütün təzahürlərinə qarşı mübarizədə Pakistanla həmrəy olduğunu vurğulayıb.

Sentyabrın 18-də Pakistanın Xayber-Paxtunxva əyalətində məscid yaxınlığında törədilən terror aktı nəticəsində 31 nəfər ölüb.