Azərbaycanda bir gündə 55 şübhəli saxlanılıb, 15 narkotik faktı aşkarlanıb

Sentyabrın 23-də Azərbaycanda polis əməkdaşları tərəfindən 39 cinayət və əvvəlki dövrlərdən bağlı qalan 9 cinayətin açılması təmin olunub.

Daxili İşlər Nazirliyinin (DİN) Mətbuat Xidmətindən bildirilib ki, gün ərzində cinayət törətməkdə şübhəli bilinən 55 nəfər saxlanılıb.

Bundan başqa, axtarışda olan 124 nəfər, o cümlədən borclu şəxs qismində axtarılan 108 nəfər saxlanılaraq aidiyyəti üzrə təhvil verilib.

Polis əməkdaşları narkotiklərlə əlaqəli 15, qanunsuz saxlanılan silah-sursatın götürülməsi və aşkarlanması ilə bağlı isə 5 fakt müəyyən ediblər.

Gülnar Nazimqızı