Ukraynanın müvəqqəti işlər vəkili Belarus XİN-ə çağırılıb

Ukraynanın Belarusdakı müvəqqəti işlər vəkili İvan Novitski Belarus Xarici İşlər Nazirliyinə (XİN) çağırılıb.Bu barədə Belarus XİN-in mətbuat katibi Ruslan Varankov məlumat verib.

Onun sözlərinə görə, çağırışa səbəb Rusiyanın Bryansk vilayətində Belarus qeydiyyat nişanları olan avtomobilə növbəti dron hücumu olub.

Varankov bildirib ki, avtomobilin Belarusa məxsus olduğu aydın olub və Minsk hücumun qəsdən həyata keçirildiyini düşünmək üçün əsaslara malikdir.