İstanbulda leysan yolları su altında qoyub, əyani tədris dayandırılıb

Türkiyənin İstanbul şəhərində leysan yağışları nəticəsində yolları su basıb, nəqliyyatda hərəkət çətinləşib.Bu barədə "TRT Haber" məlumat yayıb.

Bildirilib ki, dünən axşam saatlarından başlayan və fasilələrlə davam edən güclü yağış küçə və prospektlərdə su yığılmasına, yeraltı keçidlərin, tunellərin, bəzi ev və iş yerlərinin su altında qalmasına səbəb olub. Şəhərin bir sıra ərazilərində nəqliyyatın hərəkətində çətinliklər yaranıb.

Əlverişsiz hava şəraiti ilə əlaqədar İstanbulda oktyabrın 15-də bütün dövlət və özəl təhsil müəssisələrində əyani tədrisə bir günlük fasilə veriləcək. Dərslər distant formada keçiriləcək.