FIFA U-20 dünya çempionatının tarixi müəyyənləşib

FIFA U-20 dünya çempionatı 2027-ci il sentyabrın 17-dən oktyabrın 9-dək Azərbaycan və Özbəkistanda keçiriləcək.Bu barədə AFFA xəbər verir.

Yarışın tarixləri bu gün FIFA Şurası Bürosunun iclasında rəsmən açıqlanıb.

Dünya çempionatında 24 komanda mübarizə aparacaq.

Qeyd edək ki, turnirin rəsmi brendi oktyabrın 16-da təqdim olunub. Yarışın “Bu oyun sənlikdir” şüarı gənc futbolçuları və onları dəstəkləyən azarkeşləri yeni nəsil futbol ulduzlarının yetişməsinə həsr olunan turnirə dəvət edir.

FIFA U-20 dünya çempionatı 2027-nin rəsmi brendi Bakının simvolik məkanlarından olan Qız Qalasında və Bakı Olimpiya Stadionunda xüsusi proyeksiya vasitəsilə nümayiş etdirilib.