Niderland Azərbaycana minatəmizləmə sahəsində dəstək imkanlarını nəzərdən keçirəcək

Niderland Azərbaycana minatəmizləmə sahəsində dəstək göstərilməsi imkanlarını nəzərdən keçirəcək. Bunu Niderland Krallığının xarici işlər naziri Tom Berendsen Bakıda Azərbaycanın xarici işlər naziri Ceyhun Bayramovla birgə keçirdiyi mətbuat konfransında bildirib.

O qeyd edib ki, Niderland Azərbaycan-Ermənistan sülh prosesinin əhəmiyyətini, eləcə də Azərbaycanın bu prosesdə nümayiş etdirdiyi öhdəliyi və liderliyi yüksək qiymətləndirir.

Nazirin sözlərinə görə, Niderland regionda davamlı sülh və təhlükəsizliyin təmin olunmasına, həmçinin bütün tərəflər üçün faydalı nəticələrin əldə edilməsinə balanslı yanaşır.

Berendsen vurğulayıb ki, Niderland dünyanın müxtəlif yerlərində minatəmizləmə fəaliyyətlərinə dəstək göstərir və ölkənin müvafiq komandaları Azərbaycana yardım imkanlarını da nəzərdən keçirəcəklər.

Aytac