FHN ötən həftə 38 nəfəri xilas edib

Ötən həftə Azərbaycanda 143 yanğına çıxış olub, 38 nəfər, o cümlədən 10 azyaşlı xilas edilib. Bu barədə Fövqəladə Hallar Nazirliyindən (FHN) məlumat verilib.

Bildirilib ki, həftə ərzində 30 halda köməksiz vəziyyətdə qalma və iki avtonəqliyyat qəzası faktı üzrə qəza-xilasetmə əməliyyatları həyata keçirilib.

Nazirliyin qüvvələri tərəfindən görülən təcili və təxirəsalınmaz tədbirlər nəticəsində yanğınlar operativ söndürülüb, insanların həyatı xilas edilib.

Ümumilikdə, müxtəlif hadisələrlə əlaqədar, o cümlədən bağlı qapı və avtoqəza faktları üzrə iki nəfərin meyiti təhvil verilib.