"Qarabağ" azarkeşi yaralandı

Aşan dəmir qapı Sabir Mirzəyev adlı şəxsin başına dəyib

"Qarabağ" - "Dnepr" oyunu zamanı baş vermiş bədbəxt hadisənin bəzi təfərrüatları bəlli olub.

ANN.Az ANS PRESS-ə istinadən bildirir ki, hadisə yerində olan əməkdaşının verdiyi məlumata görə, stadionun 11-ci sektoruna buraxılışı nəzərdə tutan dəmir qapı Sabir Mirzəyev adlı şəxsin başına düşüb. Hadisə zamanı S.Mirzəyevin gözü dağılıb.

Stadionun girişində sıxlıq yarandığına və dəmir qapının köhnə olmasına görə, hadisə baş verib. Köhnə qapı insan sıxlığına tab gətirməyərək aşıb.

Qeyd edək ki, stadionun 11-ci sektoruna buraxılışı nəzərdə tutan dəmir qapının aşması nəticəsində bir nəfər xəsarət almışdı.

Yaralı gənc təcili tibbi yardımla 1 saylı şəhər xəstəxanasına aparılıb. Xəstəxanadan aldığımız məlumata görə, hadisə vaxtı xəsarət alan Sabir Mirzəyev müayinə olunur.

Hələlik onun aldığı xəsarətlərin dərəcəsi müəyyən edilməyib.

ANN.Az