Mourinyo: "Biz Mançester Siti"yə bənzəmirik"

"Çelsi" klubunun baş məşqçisi Joze Mourinyo Premyer Liqada çempionluq yolunda əsas rəqibləri - "Arsenal" və "Mançester Siti" komandaları haqda danışıb.

Qol.Az-ın məlumatına görə, klubun rəsmi saytına açıqlama verən portuqaliyalı mütəxəssis öz komandasını rəqibləri ilə belə müqayisə edib:

"Biz "Mançester Siti"yə bənzəmirik. Onların heyətində olan futbolçuların əksəriyyəti karyeralarının pik nöqtəsindədir. Orta yaş həddi 24-30-dur. Üstəlik uzun müddətdir ki, bir yerdə oynayırlar. Bu komanda hətta yeni baş məşqçini qəbul etməyə də hazırdır.

"Arsenal"a gəlincə bu komanda əsasən stabil çıxışı ilə fərqlənir. Uzun illərdir London təsmilçisini bir məşqçi çalışdırır. Arsen Venger gənc futbolçularla işləməyi sevir. "Arsenal"ın futbolçuları da uzun müddət bir yerdə oynayırlar. Özü eyni məşqçinin rəhbərliyi altında.

Bizdə isə hər şey tamamilə fərqlidir. Mövsümün əvvəlində mən mübarizəyə hazır olduğumuzu söyləmişdim. Ancaq biz bu gün tam hazır deyilik. Düzdür, hazırda biz üst sıralarda qərarlaşmışıq, çünki həm yaxşı oynadıq, həm də əsas rəqiblərimiz "Arsenal" və "Mançester Siti" klubları da bəzi oyunlarda xal itkisi ilə üzləşdi".

Qol.az