"Qalatasaray" iki yeni futbolçusunun adını rəsmən açıqladı

"Qalatasaray"ın prezidenti Ünal Aysal transfer çalışmaları haqda danışıb.

Qol.Az-ın Türkiyə mətbuatına istinadən verdiyi məlumata görə, klub prezidenti artıq "Qremio"nun (Braziliya) futbolçusu Aleks Telles və "Qrassxoper"in (İsveçrə)  oyunçusu İzet Hayroviçin transferini bitirdiklərini deyib: 

"Mançinin bizə transfer olunmalı oyunçuların siyahısını verdi. Hər mövqeyə 3-4 oyunçu məsləhət gördü və seçim etməyi bizim ixtiyarımıza buraxdı. Baş məşqçimiz Tellesi çox bəyənmişdi. Böyük ehtimalla bu transferi bu gün KAP-a bildirəcəyik. Hayroviçin də transferini bu axşam açıqlayacağıq".

Ü.Aysal bildirib ki, bu həftə sonuna qədər hər gün bir transferin adını açıqlayacaqlar: "Legioner limitinəə görə əcnəbi futbolçu çox transfer etməyəcəyik. Yerli transferlər üzərində də işləyirik".

Qol.az