Azərbaycanın minifutbol millisi Avropa çempionu olub

Minifutbol üzrə Azərbaycan millisi Slovakiyada keçirilən Avropa çempionatının qalibi olub.

Azərbaycan yığması finalda Ukraynanı 2:0 hesabı ilə məğlub edərək qitə çempionu adına sahib çıxıb.

Bratislavadakı "Tipos Arena"da keçirilən görüşdə qolları Mirmehdi Rzayev və İsa Atayev vurublar.

Baş məşqçi Elşad Quliyevin rəhbərlik etdiyi komanda bununla tarixində ikinci dəfə Avropa çempionu olub. Azərbaycan millisi ilk dəfə bu titulu 2022-ci ildə qazanmışdı.