Suriyada vuruşan azərbaycanlılara İŞİD-in pasportu paylanır

İraq Şam İslam Dövləti (İŞİD) silahdaşlarına islam pasportu verməyə başlayıb.

APA-nın xəbərinə görə, bu barədə İŞİD döyüşçüləri sosial şəbəkələrdə məlumat yayıblar.

Məlumatda qeyd olunur ki, silahlı qruplaşma tərkibində vuruşan şəxslərə İŞİD-in pasportu paylanır. İslam pasportu alan döyüşçülər arasında azərbaycanlılar da var. Döyüşçülər pasportlarının fotosunu da sosial şəbəkələrdə paylaşıblar.

Qeyd edək ki, bir müddət əvvəl Suriyada gedən döyüşlərə qatılan azərbaycanlılar Azərbaycan pasportlarını cıraraq fotolarını sosial şəbəkələrdə paylaşmışdılar. Onlar bu addımı bir daha Azərbaycana qayıtmaq niyyətində olmadıqları üçün atdıqlarını qeyd ediblər. 

ANN.Az