" 2021-ci il iyunun 29-da bir qrup döyüş iştirakçısı yığışıb Müdafiə Nazirliyinə gəldik. Adlarımızı siyahıya aldılar. Bizə orada nazirliyin səlahiyyətli şəxsləri dedi ki, cənab prezidentin Zəfər Günü ilə bağlı noyabrın 8-də sərəncamı olacaq. Biz də səbr etdik, daha təkrar nazirliyə getmədik. Belə baxanda o medalın elə dəyəri yoxdur. Biz sadəcə haqqımızı istəyirik, əziyyət çəkmişik”, - deyə döyüş iştirakçısı bildirir.
Məsələ ilə bağlı Müdafiə Nazirliyinin sözçüsü Anar Eyvazov deyib ki, medalların verilməsi müəyyən səbəblərlə bağlı gecikdirilsə də, məsələ dövlətin nəzarətindədir.
" Medalların verilməsi ilə bağlı yubanma müəyyən səbəblərlə bağlıdır, amma bu, medal verilməyəcək demək
deyil. Səbirli olmaq lazımdır. Əsas medal deyil, əsas odur ki, salamat evlərinə
dönüblər. Medalların təqdimatı məsələsi dövlətin diqqətindədir. Medallar Müdafiə
Nazirliyi tərəfindən deyil, ali rəhbərlik tərəfindən verilir. Bəlkə başqa özəl
gün, bayramla bağlı planlaşdırılıb. Hələlik məlumatımız yoxdur. Hazırda erməni təxribatlarının qarşısının alınması ilə bağlı işlər gedir”, - deyə nazirliyin
sözçüsü vurğuladı.
Samirə Əli
Bizi sosial şəbəkələrdə izləyin !
