"Rusiya 4,6 milyard dollar dəyərində silah ixrac edib"

"Report" TASS-a istinadən xəbər verir ki, bu barədə Rusiya prezidenti Vladimir Putin hərbi-texniki əməkdaşlıq üzrə komissiyanın iclasında bildirib.

"Rusiya hərbi-texniki əməkdaşlıq sistemində 2016-cı il üçün qarşıya qoyulmuş vəzifələr həyata keçirilir. Silah və hərbi texnikanın ixrac tədarükünün həcmi demək olar, 5 milyard dollar səviyyəsinə çatıb. Hazırda bu rəqəm 4,6 milyard dollara bərabərdir", - deyə V.Putin vurğulayıb.

Bundan əlavə, o, sifariş portfelinin 50 milyard dollardan çox olduğunu diqqətə çatdırıb.