ABŞ Ermənistanda hərbi mərkəz yaradır
04.03.2017 09:59
ABŞ-ın dəstəyi ilə Ermənistanda hərbçilərin hazırlanması üçün müasir təlim mərkəzi yaradılır.
Milli.Az virtualaz-a istinadən xəbər verir ki, bu barədə Ermənistanın müdafiə naziri Vigen Sarkisyan bildirib.
"Erməni sülhməramlı qüvvələrinin təlim mərkəzi amerikalı tərəfdaşlarımızın dəstəyi ilə yaxın aylar ərzində əsaslı şəkildə təmir ediləcək və yeni görkəm alacaq", - o deyib.
Nazirin sözlərinə görə, mərkəzdə lazer atıcı trenajorları, kompleks təlim sistemi quraşdırılacaq ki, bunlar da əsgərlər üçün hərbi əməliyyatların tam realistik imitasiyasını yaradacaq.
Nazir onu da deyib ki, erməni sülhməramlı qüvvələri 4 ilə yaxın müddətdə Kosovodakı missiyanın tərkibində iştirak ediblər, hazırda isə Əfqanıstanda sülhməramlı əməliyyatla məşğuldurlar.
Bundan əlavə, ABŞ-ın Ermənistandakı səfiri Riçard Millz əlavə qeyd edib ki, bu proqram Yerevanla Vaşinqton arasında sıx hərbi əməkdaşlıq çərçivəsində həyata keçirilir.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
