Trampla Putinin görüş yeri dəqiqləşdi

AzVision.az xəbər verir ki, bu barədə "Fox News" telekanalı məlumat yayıb.

ABŞ prezidenti Donald Trampın rusiyalı həmkarı Vladimir Putinlə ilk görüşü barədə dəqiq razılıq Trampın milli təhlükəsizlik məsələləri üzrə köməkçisi Con Boltonun dünən Moskvaya səfəri zamanı əldə edilib. 

Finlandiyanın paytaxtı Helsinkidə keçiriləcək görüşün dəqiq tarixi isə yaxın saatlarda açıqlanacaq. 

Putinin köməkçisi Yuri Uşakov isə bildirib ki, ikitərəfli sammitdə Putinlə Tramp təkbətək görüş keçirəcək, daha sonra birgə mətbuat konfransında çıxış edib jurnalistlərin suallarını cavablandıracaqlar.