Günə 6 litr Coca-Cola içirdi – Şiddətli ağrılar və 50 min avro ziyan...

Maykl Şeridan adlı bir gənc, dişlərindəki ağrı səbəbindən 10 il boyunca yumşaq qidalarla qidalanaraq yaşayıb. Şeridanın dişlərindəki ağrının səbəbi qazlı içkilərdən həddən artıq çox istifadə etməsi olub. Maykl Şeridan gündə 6 litr Cola içmədən dayana bilmirmiş. Nəticə isə çox üzücü olub. 

Colanın sümüklərdən tutmuş böyrəklərə, dəridən tutmuş əzələlərə qədər bədənimizdə bir çox orqanlara zərər vurduğu məlum olduğu üçün dişlərə də vurduğu ziyanı yəqin ki, bir çoxları hiss edib. 

Medicina.az-ın xarici mətbuata istinadən xəbərinə görə, 10 ildən çox hər gün 6 litr cola içən 32 yaşlı Maykl Şeridanın 27 dişi birdən çürüyüb. Qazlı içkiyə olan aşlılığı ucbatından 10 il diş ağrısı çəkən Şeridan əziyyətə dözməyərək diş həkiminə getməyə qərar verib. 

Diş həkimi Şeridanın dişlərini müayinə edərək müalicənin mümkün olmadığını bildirib. Həkimləri də təcili qərarı ilə onun 7 dişi çıxarılaraq yerinə implant diş taxılan Maykl nəticədə ağrılarından azad olub. 50 min avroluq implantın xərcləri isə həkim tərəfindən ödənildi.

  

"Dişlərin çox ağrıdığı üçün ancaq yumşaq qidalarla qidalanmağa məcbur idim. Amma Cola içməyi tərgidə bilmirdim. Həkimlər qazlı içkiləri tərgitməyimi tələb edəcəklərini bildiyim üçün həkimə getməkdən imtina edirdim. Amma indi vəziyyət başqa cürdür və mən sağlam qidalanma mütəxəssisinin tövsiyələri ilə qidalanıram” - deyə Şeridan bildirib.