Putin Ukrayna prezidenti ilə görüşünə münasibət bildirib

Rusiya prezidenti Vladimir Putin bildirib ki, Minskdə danışıqlar zamanı tərəflər Ukraynanın şərq rayonlarının sakinlərinə humanitar yardımın çatdırılması ilə bağlı qarşılıqlı əlaqənin yaradılmasına dair razılıq əldə olunub.APA-nın “RİA Novosti”yə istinadən verdiyi xəbərə görə, Putin həmçinin qeyd edib ki, Rusiya Ukraynanın şərqində atəşin dayandırılması ilə bağlı hər hansı bir şərt irəli sürməyib və sürə bilməz.  Putin əlavə edib ki, ümumiyyətlə Ukraynanın şərqində atəşkəsə dair hər hansı bir şərt danışıqlar zamanı müzakirə olunmayıb.Putin Ukrayna prezidenti Pyotr Poroşenko ilə görüşünü, ümumilikdə,  müsbət qiymətləndirib.   Qeyd edək ki, ötən gün Minskdə Rusiya və Ukrayna prezidentləri arasında görüş olub.APA-nın “RİA Novosti”yə istinadən verdiyi xəbərə görə, Putin və Poroşenko arasında təkbətək görüş 2 saatadək davam edib.“Görüş başa çatıb”, deyə Rusiya prezidentinin mətbuat katibi Dmitri Peskov bildirib. O, danışıqların yekunlarına dair heç bir şərh verməyib.Qeyd edək ki, bundan əvvəl, Gömrük İttifaqı – AB – Ukrayna formatında keçirilmiş görüşdən sonra Belarus prezidenti Aleksandr Lukaşenko jurnalistlərə bildirib ki, Rusiya və Ukrayna prezidentləri aktual məsələlərin müzakirəsi üçün təkbətək görüşün keçirilməsinə razılıq veriblər. Onun sözlərinə görə, Putin və Poroşenko görüşün yekunları dair jurnalistlərə açıqlama verəcəklər. Peskov bir qədər əvvəl açıqlamasında bildirib ki, görüşdə Ukraynanın daxilindəki böhran, qaçqınların problemi, humanitar yardımın çatdırılması və, bütövlükdə, Ukraynanın şərqində yaranmış humanitar fəlakət müzakirə olunacağını bildirib.ANN.Az