Avropa İttifaqı Rusiyaya qarşı 290 milyard avro dəyərində iddia qaldırıb

Avropa İttifaqı (Aİ) Rusiyaya qarşı Avropa mallarının qanunsuz ayrı-seçkiliyi ilə bağlı iddialarını 290 milyard avro dəyərində qiymətləndirib.
İlk iddiada dövlət satınalmaları ilə bağlı müraciətlərin ayrı-seçkilik əsasında qiymətləndirilməsi yer alıb. Belə ki, dövlətə aidiyyəti olan Rusiya şirkətləri əsassız üstünlüklər əldə edir, həmçinin tenderlərdə 15-30% aşağı qiymətə təkliflər verirlər. Təkliflər aşağı olsa da bu müəssisələr sonradan öz işlərinə görə tam məbləği alırlar.
Həmçinin, Aİ milli satınalma kvotalarından da narazıdır. Belə ki, 250-yə yaxın mal qrupunun 90 faizi yerli istehsal məhsulları olmalıdır:
"Bu qarışıq məhdudiyyətlər və təşviqlər xarici istehsalçılara qarşı ayrı-seçkilik yaradır və Ümumdünya Ticarət Təşkilatının qaydalarını pozur” , - deyə məlumatda qeyd edilir.

www.anews.az