Avropanın aparıcı meteo xidməti Rusiya ilə əməkdaşlığı dayandırıb

Avropanın aparıcı meteo xidməti sayılan və Almaniyada yerləşən EUMETSAT daha əldə etdiyi məlumatlarla Rusiya ilə bölüşmür. Bu barədə Reuters agentliyi  məlumat yayıb.


Amma xidmət əməkdaşlığın dayandırlması səbəblərini açıqlamayıb. 


Belə ki, EUMETSAT üzvü olan ölkələrin xüsusi çurası Rusiya ilə əməkdaşlıqla bağlı ikitərəfli  razılaşmanın fəaliyyətinə xitam verib.  Eyni zamanda məlumatlarla bölüşmə və əməkdaşların təlimlərdə iştirakı da dayandırılıb. 


Bu qərardan bir müddət əvvəl EUMETSAT, Rusiya və Belarusa Avropa İttifaqına məxsus peyklərdən alınan məlumatların ötürülməsini dayandırmışdı . Bu addım Avropa Komissiyasının tələbi ilə həyata keçirilmişdi. Lakin digər peyklərdən alınan məlumatların, eləcə də dövlət meteorologiya xidmətlərindən gələn hava məlumatlarının ötürülməsi davam edirdi. 


Bundan əvvəl ən azı üç oxşar Avropa təşkilatı Rusiya ilə əməkdaşlıqdan imtina edib. 


Hərbi ekspertlərin fikrincə, Rusiya  kimyəvi və ya bakterioloji silahlardan istifadə etməklə hər hansı hücumlar planlaşdırarsa küləyin istiqaməti və sürəti, həmçinin yağıntı ehtimalları ilə bağlı meteoroloji məlumatların verilməməsi  müəyyən əngəl yaradacaq. 


Rusiyanın Ukraynada kimyəvi silahla əməliyyat planlaşdıra biləcəyini daha əvvəl, xüsusən də NATO-nun baş katibi Yens Stoltenberq bildirib.


Rusiya Müdafiə Nazirliyi isə "Ukrayna millətçiləri”nin kimyəvi silahla təxribatlar hazırladığını iddia edir.


N.Təbrizli



www.anews.az