"Xalq düşmənləri"ni işdən qovulmalıdır" - Rusiya parlamentinin sədri

Netrebko bu həftə Ukraynadakı müharibəni pisləyib və Rusiya rəhbərliyini dəstəkləmədiyini deyib.  Əvvəllər ifaçı Vladimir Putinin sirdaşı kimi çıxış edib və hətta "Novaya Rossiya" partiyasının bayrağı ilə şəkil çəkdiribdir.

 

Müharibə başlayandan sonra Metropolitan Operası və Bavariya Operası müğənni ilə əməkdaşlığa fasilə vermişdi.  

 

"Sənət adamları hərbçilərimizə dəstək olmalıdır. Sağ olsunlar. Amma başqa ölkələrə, isti iqlimə  qaçanlar var. Daha da pisi - oradan ittiham xarakterli bəyanatlar verirlər. Nüfuzlu konsert məkanlarını qorumaq istəyi bu adamlara hakimdir. Eyni Anna Netrebko kimi. Sən buna xəyanətdən başqa bir şey deyə bilməzsən. Səs var, amma vicdan yoxdur”, - deyə Volodin yazıb.

Dövlət Duması sədrinin fikrincə, "dövlətin, ona görə də xalqın dəstəkləməyən və onlara xəyanət edən mədəniyyət, təhsil, səhiyyə və digər sahələr üzrə büdcə müəssisələrində çalışan rəhbər işçilər işdən  getməlidirlər”.

O, söz verib ki, deputatlar nazirlərə üz tutacaq və onlardan kadr məsələlərini həll etməyi tələb edəcəklər.