ABŞ-dan çağırış - Rusiya BMT-nin İnsan Haqları Şurasından kənarlaşdırılsın

Amerika Birləşmiş Ştatları Rusiyanın Birləşmiş Millətlər Təşkilatının İnsan Haqlar Şurasından kənarlaşdırılması ilə bağlı məsələ qaldıracaq. Bu barədə CNN məlumat yayıb. 

"Rusiyanın İnsan Haqları Şurasında iştirakı gülməli haldır. Bu, şuranın və Birləşmiş Millətlər Təşkilatının imicimə böyük zərbə vurur. Bu yanlışdır və  inanırıq ki, Təşkilatın Baş Assambleyasında onun kənarlaşdırılması üçün səsvermənin vaxtıdır. Ukrayna, Avropa ölkələri və BMT-dəki digər tərəfdaşlarımızla birlikdə biz Rusiyanın BMT İnsan Haqları Şurasından kənarlaşdırılmasına çalışacağıq”, - qeyd olunub.

Rusiyanın Cenevrədə yerləşən şuradan çıxarılması üçün BMT Baş Assambleyasının 193 üzvündən azı üçdə ikisinin dəstəyi lazımdır. Ölkənin üzvlükdən çıxarılma təklifi üzvlük müddətində insan haqlarının davamlı olaraq kobud və sistematik şəkildə pozuntulara yol verdiyi aşkar edildiyi halda irəli sürülə bilər.

Hazırda şurada üç illik fəaliyyətinin ikinci ilində olan Rusiya fevralın 24-də Ukraynaya hərbi müdaxiləyə başlayıb.

 

Birləşmiş Millətlər Təşkilatının İnsan Hüquqları Komitəsi mülki və siyasi hüquqlar haqqında Beynəlxalq Pakt tərəfindən qurulan 18 üzvlü bir qurumdur. Komitə, ildə üç dəfə; 4 həftəlik iclaslarda toplanır. 172 dövlətin Mülki və siyasi hüquqlar haqqında Beynəlxalq Paktına uyğunluğu və Mülki və siyasi hüquqlar haqqında Beynəlxalq Paktının Birinci Seçki Protokoluna əsasən 116 dövlət partiyasının fərdi müraciətləri ilə əlaqəli hesabatlar hazırlayır. Komitə BMT-dəki 10 insan hüquqları təsisatından biridir, hər biri ayrıca bir razılaşma yerinə yetirməlidir.

 

Ləman Qasımova