Bu ölkədə fövqəladə vəziyyət elan edilib

Şri-Lanka Prezidenti Qotabaya Rajapaksa ölkədə fövqəladə vəziyyət elan edib. Bu barədə "Reuters” məlumat yayıb.

Mayın 7-də yerli vaxtla saat 00:00-dan etibarən fövqəladə vəziyyət elan edilir. Vəziyyət barədə qərar ictimai təhlükəsizlik maraqlarına uyğun qəbul olunub.

Bu addım ölkədəki ağır iqtisadi böhranla əlaqədar Prezidentin və bütün hökumətin istefası tələbi ilə keçirilən etiraz aksiyalarından sonra atılıb.

Bundan əvvəl cari il aprelin 1-də də adada fövqəladə vəziyyət elan olunub.

Aprelin 5-də isə rejim ləğv olunub.