Lavrov: Qərb Rusiyadan dünya bazarlarına ərzaq çıxışı ilə bağlı verdiyi vədləri yerinə yetirmir

Qərb ölkələri kənd təsərrüfatı məhsullarının dünya bazarlarına çıxışı ilə bağlı BMT ilə memorandumun icrası çərçivəsində Rusiyaya qarşı sanksiyaların aradan qaldırılması ilə bağlı vədlərini yerinə yetirmirlər. Bu barədə Rusiyanın xarici işlər naziri Sergey Lavrov mətbuat konfransı zamanı deyib. 

Onun sözlərinə görə, Qərb siyasətçiləri taxıl və gübrələrin dünya bazarlarına sərbəst çıxışına mane olan logistik sanksiyaların istisna edilməsi haqqında qərarlar qəbul etmirlər.

Nazir bildirib ki, Rusiya İstanbulda əldə olunmuş razılaşmaların həyata keçirilməsinə nail olmaq üçün BMT ilə işləyir.

Bundan əvvəl Lavrov MDBMİ-nin tələbələri və professor-müəllim heyəti ilə görüşü zamanı bildirmişdi ki, Moskva Qərb dövlətləri dialoqa hazır olduqda münasibətlərin yaxşılaşdırılması üçün təkliflərini dinləməyə hazırdır.


www.anews.az